Escuintla (departamendua)

Escuintla
Guatemala
Administrazioa
Estatua	GTM
Izen ofiziala	Departamento de Escuintla
ISO 3166-2	GT-ES
Hiriburua	Escuintla
Geografia
Koordenatuak	14°17′52″N 90°47′13″W / 14.2978°N 90.7869°W / 14.2978; -90.7869
Azalera	4,384 km²
Mugakideak	Suchitepéquez, Chimaltenango, Sacatepéquez, Guatemala eta Santa Rosa
Demografia
Biztanleria	733.181 (2018)
Dentsitatea	163,4 bizt/km²
Hizkuntza ofiziala	gaztelania, Kaqchikel eta Poqomam (en)
Ordu eremua	UTC−06:00

Escuintla Guatemalako hegoaldean kokatutako departamendua da. Iparraldean Chimaltenango, Sacatepéquez eta Guatemala departamenduekin du muga, ekialdean Santa Rosarekin, hegoaldean Ozeano Barearekin, eta mendebaldean Suchitepéquezekin^[1]. 4.384 km²ko eremua du eta 2012an 716.204 biztanle zituen^[2]. Hiriburua Escuintla hiria da.

Geografia

Departamenduaren iparraldean Sierra Madre dago; bertan daude Fuego (3.763 m) eta Pacaya (2.552 m) sumendiak. Mendilerro honetatik hegoaldera itsasbazterreraino iristen den zabaldia hedatzen da. Ozeano Barera isurtzen diren ibai ugari daude. Aipagarrienak Nahualate (Escuintla eta Suchitepéquezen arteko muga egiten duena), Madre Vieja, Coyolate, Acomé, Achiguate eta María Linda dira^[1].

Ekonomia

Ekonomia-jarduera nekazaritzan oinarritzen da. Besteak beste kafea, azukre-kanabera, kotoi-landarea, fruituak, artoa eta babarrunak ekoizten dira. Behi-hazkuntza ere garrantzi handikoa da. Dena dela, azken urteetan, turismoak indar handia hartu du, kostaldean batez ere.

Udalerriak

1. Escuintla
2. Guanagazapa
3. Iztapa
4. La Democracia
5. La Gomera
6. Tiquisate
7. Masagua
8. Palín
9. San José
10. San Vicente Pacaya
11. Santa Lucía Cotzumalguapa
12. Siquinalá
13. Nueva Concepción

Erreferentziak

Kanpo estekak

• Datuak: Q795587
• Multimedia: Escuintla Department / Q795587