Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Identitate disoziatuaren nahasmendua[1], lehen nortasun anizkoitzeko nahasmendua deitua, pertsona batean bi identitate edo gehiago izateagatik bereizten den disoziaziozko nahasmendua da. Identitate bakoitzak ingurunearekin hautemateko eta jarduteko bere eredua du eta bakoitzak pertsonaren kontrola hartzen du. Hori gertatzen denean, oroimen galerak gertatzen dira.[2] Mugako nortasunaren nahasmenduarekin, trauma osteko estresaren nahasmenduarekin, depresioarekin, substantzien abusuak eragindako nahasmenduarekin, autolesioekin edo antsietatearekin lotzen dute.