Centre-du-Québec

Centre-du-Québec
Kanada
Administrazioa
Estatu burujabe	Kanada
Probintzia	Quebec
Hiriburua	Drummondville (Quebec)
Zatiketa	ikusi Bécancour, Nicolet-Yamaska, L'Érable, Arthabaska eta Drummond
Geografia
Koordenatuak	46°17′N 72°04′W / 46.28°N 72.07°W / 46.28; -72.07
Azalera	6.928,78 km²
Mugakideak	Mauricie, Capitale-Nationale, Chaudière-Appalaches, Estrie, Montérégie eta Lanaudière
Demografia
Biztanleria	250.445 (2021) −303 (2020)
Dentsitatea	36,15 bizt/km²
centreduquebec.gouv.qc.ca

Centre-du-Québec ("Quebeceko erdialdea") Quebeceko eskualde administratiboa da. 17 kodea erabiltzen da eskualde hau identifikatzeko eta hiri nagusia Drummondville da.

Geografia

San Laurendi ibaiaren hegoaldean kokatuta dago, Quebec Hiria eta Montrealen arteko erdibidean; hori dela eta hainbeste errepide eta autobide eskualdean zehar pasatzen dira. Aspalditik "Bois-Francs" izenez ezagutzen den eremua da eta Apalatxeetako lehen muinoak ere beren mugen barruan daude, hego-ekialdean. San Laurendira doazen ibaiadar inportante batzuek beren lurrak zeharkatzen dituzte: Saint-François, Nicolet eta Bécancour ibaiak.

L'Erable, Arthabaska eta Drummond MRCak Cantons-de-l'Est historikoen barnean sartu ohi dira baina administratiboki Estrietik kanpo daude.

Mugakideak

• San Laurendiz beste aldera Mauricie.
• Hego-mendebaldean Montérégie.
• Hego-ekialdean Estrie.
• Ekialdean Chaudière-Appalaches.

Historia

1966an eskualde administratiboak osatu zirenetik 1987 arte "Trois-Rivières" izena zeraman eskualde handiagoaren barruan zegoen, hiri honetan zentratuta San Laurendiren bi ibarretako lurrak hartzen zituena. 1987ko abenduaren 22an izena aldatu eta "Mauricie–Bois-Francs" izendapena ezarri zioten, ibaiaren alde bakoitza aipatuta geratzen zelarik.

1997ko uztailaren 30ean, ordea, eskualde hori desagertu zen eta bere lurrek Mauricie eta Centre-du-Québec osatu dituzte. Beraz, Quebeceko eskualde administratiborik gazteena da.

Demografia

• Biztanleria: 226.856 (2005)
• Azalera: 6.921 km²
• Biztanle dentsitatea: 32,8 hab./km²
• Jaiotze tasa: 9,7 ‰ (2005)
• Heriotza-tasa: 7,9 ‰ (2005)^[1]

Hizkuntzak

Historikoki komunitate ingeles hiztun batzuk (leialistak edota eskoziar, irlandar...jatorrikoak) bertan plantatu ziren, batez ere Cantons-de l'Est historikoen barnean edo auzolurretan; hala ere gaur egun eskualdea oso ehuneko handian frantses hiztuna da: 2006an %79,3k hizkuntza hori baino ez zekiten, %20,3k frantsesa eta ingelesa eta kopuru anekdotikoak ziren ingelesa edota beste hizkuntzen bat baino ez zekitenak^[2].

Jatorriko herriak

Europar jatorriko gehiengo zabalaren erdian, eskualde honetan jatorriko herrien ordezkaritza gorde da: abenaki herriari aitortzen zaizkion bi komunitate daude,Odanak eta Wôlinak.

Banaketa administratiboa

Eskualdeak 5 "Eskualdeko konderriko udalerri" (MRC) eta 80 udalerri ditu. MRCak eta beren hiriburuak:

• Arthabaska: Victoriaville.
• Bécancour: Bécancour.
• Drummond: Drummondville.
• L'Érable: Plessisville.
• Nicolet-Yamaska: Nicolet.

MRCetatik kanpoko komunitate autoktonoak

• Odanak.
• Wôlinak.

Erreferentziak

Ikus, gainera

• Mauricie
• Estrie
• San Laurendi ibaia

Kanpo estekak

• (Frantsesez) Centre-du-Québeceko ataria.
• (Frantsesez) Informazio turistikoa.
• (Frantsesez) Conférence régionale des élu(e)s eskualdeko hautetsien konferentzia.
• (Frantsesez) Eskualdea Quebeceko estatistika institutuan.

• Datuak: Q764294
• Multimedia: Centre-du-Québec / Q764294